Ilvekset

Al liñsed a zo ur strollad a bevar gouenn (Liñs Kanada, Liñs Iberia, Liñs Eurazia hag ar Liñs rous) e-touez ar c'hazheged gouez. An anv lynx a za ag ar gresianeg λύγξ hag a ziskenn ag an indezeuropeg leuk- ('lou', 'gouloù', 'skedus') rak sked e zaoulagad.

Doare

Al liñs a zo berr e lost, ledan e bavioù hag hir e vourrenn. War e ziskouarn eh eus ur guchenn du. Ur c'houzougenn du a vez gwelet dindan ar c'houg hag a c'hall bout keñveriet gant ur skoulm papilhorig.

O livioù a c'hall kemm etre ur feur aour, gell pe ha louet, ha brizhiet gant merkoù du, dreistholl war an izili. Atav eo gwenn feur o bruched. Hirded ha liv e feur, kement a ledanded e bavioù a gemm hervez hin o annez. O favioù a c'hall bout ledanoc'h eget an dorn pe an troad denel.

Al Liñs rous hag al Liñs Kanada eo ar rummoù bihanañ, tra ma eo brasoc'h al Liñs Iberia hag Eurazia.

Spesadoù

4 spesad liñsed zo :

• liñs Eurazia pe liñs boutin (Lynx lynx)
• liñs Iberia (Lynx pardinus)
• liñs Kanada (Lynx canadensis)
• al liñs rous (Lynx rufus)