الأسماء في صفحات التنقل
Rosa gallica, que'l so nome vulgar ye rosal de Castiella,[1] rosal de Francia o rosal de Provins, ye una especie de rosal orixinaria d'Europa central y meridional d'Asia occidental dende Turquía al Caúcasu.
Ye un parrotal de fueya caduca que puede algamar hasta dos metros d'altor, los tarmos tán provistos d'aguiyones y de pelos glandularios. Les fueyes, cunten con dende trés a siete capes verde azulaes. Les flores tán axuntaes en grupos de 1 a 4. Son flores simples, onde la corola cunta con cinco pétalos goliosos de color rosa. Los frutos de forma globulosa a ovoide, tienen de 10 a 13 mm de diámetru y cuando maurecen son de color naranxa-marrón.
Esta especie ye bono de cultivar en suelos bien drenaos con esposición al sol o a media solombra; puede aguantar fríos d'hasta 25 °C baxo cero. Ye una de les especies de rosales más vieyes que se cultiven, yeren conocíos polos antiguos Griegos y Romanos y comunes nos xardinos de la Edá Media. Nel sieglu XIX, yera una de les especies más importantes de rosales cultivaes, y la mayor parte de los cultivos modernos de roses europees tienen siquier una pequeña contribución de la Rosa Gallica nos sos xenes.
Los cultivos de la especie Rosa Gallica y los híbridos cercanos n'apariencia constitúin un grupu de cultivos, el grupu de rosales Gallica. Los ancestros son polo xeneral desconocíos y l'influencia d'otres especies nun puede ser refugada. El grupu de rosales Gallica comparte los calteres vexetativos de la especie, formando carbes baxes protectores. Les flores pueden ser simples, pero son más corrientes los dobles o semi-dobles. El color de les flores va dende'l blancu (pocu común) a rosa y a púrpura escuru, Toles rosales del grupu Gallica tienen un floriamientu únicu. Son fáciles de cultivar. El cultivu semi-doble “ Officinalis”, la rosa de Provins, ye tamién la << rosa colorada de Lancastre>> que ye l'emblema floral de Lancashire.
En 1867, Joséphine de Beauharnais cultivó 167 roses gallicas, munches sumieron, dalgunes tán presentes nes rosaledas conservadores, bien poques son entá cultivaes y comercializaes:
Dalgunes que creíamos perdíes fueron redescubiertas en vieyos xardinos, ye'l casu de ‘Sissighust Castle’ de color escuru, casi marrón.
Los híbridos de Rosa gallica formen los grupos de Rosa × waitziana nothovar, macrantha y les Rosa × francofurtana.
En 2004. un cultivu del grupu Gallica nomáu ‘Cardenal de Richelieu’ foi modificáu por interferencia de ARN pa producir la primer rosa azul.
Rosa gallica describióse por Carlos Linneo y espublizóse en Species Plantarum 1: 492. 1753.[2]
Rosa: nome xenéricu que provién direutamente y ensin cambeos del llatín rosa que deriva de la mesma del griegu antiguu rhódon, , col significáu que conocemos: «la rosa» o «la flor de la rosal»
gallica: epítetu llatín que significa "de Francia".[3]
.
Esta páxina forma parte del wikiproyeutu Botánica, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. Rosa gallica, que'l so nome vulgar ye rosal de Castiella, rosal de Francia o rosal de Provins, ye una especie de rosal orixinaria d'Europa central y meridional d'Asia occidental dende Turquía al Caúcasu.
