أذن الفأر الحرجي

Lěsna njezapomnička (Myosotis sylvatica) je družina swójby wódrakowych rostlinow (Boraginaceae).

Detailowy wobraz kwětnistwa wot horjeka

Kćenja

Warianta 'Snowsylva' z běłymi kćenjemi z Jardin de Plantes w Parisu

Warianta 'Rosylva' z róžojtymi kćenjemi z Jardin de Plantes w Parisu

Wopis

Lěsna njezapomnička je dwulětna rostlina z lisćowym stołpikom, kotraž docpěwa wysokosć wot 40 cm (14-45 cm).

Stołpik je kosmaty.

Łopjena

Łopjena su cyłokromne, eliptiske hač do lancetowe a mjenje bóle kosmate. Delnje łopjena su rozetojće zarjadowane, stołpikate, mjeztym zo hornje łopjena su přećiwostejne a sedźace.

Kćenja

Wona kćěja wot meje hač do julija. Kwětnistwa su najprjedy zakulene. Kćenja ma žołtu rynčku a docpěja wysokosć wot 6 hač do 10 mm. Kćenjowe łopjena su módre, ma najmjeńšu šěrokosć wot 5 mm. Króna je płona, wupřestrjena, najprjedy čerwjenojta a pozdźišo njebjomódra a docpěwa šěrokosć wot 6 hač 10 mm. Krónowe kónčki su płonje rozpřesćěrane. Keluch ma po kćěću dołhosć wot 5mm z wotstajacymi hokokosmami, je po 2/3 zrosćeny a njesu linealne kónčki.

Tež eksistuja sorty z róžojtymi abo běłymi kćenjemi.

Tuta družina ma najmjeńše próški domjaceje flory wot jenož 4x6 mikrometrow.

Płody

Dźělopłody je kónčkojte. Płodowy stołpik docpěje dołhosć wot 5 mm.

Stejnišćo

Wona rosće na łukach, we wysokotrajnowych honach a swětłych lisćowych lěsach. Preferuje čerstwe, často małowapnate pódy.

Rozšěrjenje

Lěsna njezapomnička je w Europje, sewjernje hač južneje Šwedskeje, na wuchod hač do Ruskeje, na juh hač do Apenninow a Balkanskeje połkupy rozšěrjena.

Podobna družina

• Bahnowa njezapomnička (Myosotis scorpioides) ma přilěhowace kosmaty keluch a rosće na włóžnych městnach.

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 305.
2. ↑ W internetowym słowniku: Vergißmeinnicht

Žórła

• Botanica, Einjährige und mehrjährige Pflanzen, Über 2000 Pflanzenporträts, ISBN 978-3-8331-4469-1, strona 571 (němsce)
• GU Maxi-Kompaß Blumen, ISBN 3-7742-3852-9, strona 20 (němsce)
• GU Naturführer Blumen, ISBN 3-7742-1507-3, stronje 18-19 (němsce)
• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 294 (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 210 (němsce)

Wotkaz

Hlej wotpowědne dataje we Wikimedia Commons:
Lěsna njezapomnička