لاميون ملتف الساق

Mała cycawka (Lamium amplexicaule) je rostlina ze swójby cycawkowych rostlinow.

Kćenje

Jednotliwa rostlina

Mała cycawka wot horjeka

Wopis

Mała cycawka je jednolětna zelišćowa rostlina, kotraž docpěwa wysokosć wot 10 hač do 25 cm (hač do 30 cm). W rozhałuzowanym spódku postupuje zwjetša wjacore stołpiki.

Łopjena

Rostlina ma stołpik napoł wobpřimowace, šěroke nošne łopjena, kotrež w hornim kćenja njesacym dźělu často jara husto sedźa. Napřećostejne lisćowe łopjena w delnim stołpikowym dźělu su přećiwo tomu často tež stołpikate a łopjency ma přeměr wot 2 hač do 3 cm. Łopjena sedźa přez křiž přećiwostejne na stołpiku.

Kćenja

Rostlina kćěja wot meje hač do julija (wot apryla hač do awgusta). Dwusplažne, zygomorfowe kćenja su jasnopurpurowe, docpěwaja dołhosć mjezy 12 a 18 mm a sedźa po wosmoch hač po šěsnaćoch po rozporach hornich łopjenow. Někotre kćenja so njepukaja a so wopłodźuja sam (Kleistogamija). Delnja hubka ma běło-purpurne rysowanku.

Stejnišćo

Mała cycawka rosće kaž "njerodź" na hlinjanych, rady dusykojtych městnach kaž rólnych kromach, zahrodźe, winicach abo ruderalnych městnach.

Rozšěrjenje

Prěnjotny přestrjeń rozšěrjenja su cyłu Euraziju a sewjernu Afriku. Přez čłowjek bu tež do sewjerneje Ameriki nutř njesł.

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 63.
2. ↑ W internetowym słowniku: Taubnessel

Žórła

• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 92 (němsce)
• Kral, Jurij: Serbsko-němski słownik hornjołužiskeje rěče. Maćica serbska, Budyšin (1927)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)
• Völkel, Pawoł: Hornjoserbsko-němski słownik, Ludowe nakładnistwo Domowina, Budyšin (1981)

Eksterne wotkazy

Hlej wotpowědne dataje we Wikimedia Commons:
Mała cycawka