Digitalis nervosa Steud. & Hochst. ex Benth.

Damarlı üskükotu (lat. Digitalis nervosa Steud. & Hochst. ex Benth.)^[1] - üskükotu cinsinə aid bitki növü.^[2]

Hündürlüyü 50-140 sm, gövdəsi düz, şırımlı, sadə və çılpaq olan çoxillik ot bitkisidir.^[3]

Yarpaq

Kökətrafı yarpaqları enli tərsinəyumurtaşəkilli, kifayət qədər uzun saplağabənzər daralmışdır. Gövdə yarpaqları isə oturaq, uzunsov-neştərşəkilli, tamkənarlı olub, uc hissədə sivri və ya sivritəhərdirlər.

Çiçək

Çiçəkləri qısa saplaq üzərində yerləşmiş və uzun sünbülşəkilli silindrik formalı təpə salxımlarda toplanmışdır. Tac 15-20 mm uzunluqda olub, sarı rəngli, vəzili-tükcüklüdür. Üst dodaq qısa ikidişli, alt dodaq isə üç bölümlüdür.

Meyvə

Qutucuğun uzunluğu 9-12 mm, yumurtaşəkilli, sivri və iki şırımlıdır. Toxumlarının uzunluğu 1,5 mm, uzunsov və deşik-deşikdir.

Çiçəkləməsi

İyul-Avqust

Meyvə verməsi

Avqust

Azərbaycanda yayılması

BQ (Quba), BQ şərq, BQ qərb, KQ mərkəzi, KQ cənub, Lənkdağ. - aşağı dağ qurşağından, orta dağ qurşağına kimi.

Yaşayış mühiti

Meşələrdə rast gəlinir.

Mənbə