الأسماء في صفحات التنقل
Die Skêrstert (Ptereleotris evides) is 'n vis wat in die Indiese-Pasifiese area en aan die ooskus van Afrika voorkom, vanaf die Rooisee tot by die Aliwal-bank. In Engels staan die vis bekend as die Scissortail goby.
Die vis het 'n lang lyf met die dorsale en anale vinne wat ewe groot en amper identies lyk. Die bekkenvinne is klein en die lyf is bedek met klein skubbetjies. Die kop en bors is blouerig terwyl die agterste helfte van die lyf en die dorsale en anale vinne donkerblou tot swart is. Die sentrale gedeelte van die holronde stert is bleekwit. Die onvolwasse vissies is ligblou van kleur met 'n donkerblou kol by die basis van die onderste lob van die stert. Die vis word tot 13 cm lank.
Die vis leef tussen koraal- en rotsriwwe in water wat 2 – 30 m diep is. Die volwasse visse leef in pare saam en die onvolwasse visse leef in skole saam in beskermde kuswater. Hulle vreet soöplankton. Die vis kan oorleef in 'n akwarium, maar nie saam met aggressiewe visse nie.
Die Skêrstert (Ptereleotris evides) is 'n vis wat in die Indiese-Pasifiese area en aan die ooskus van Afrika voorkom, vanaf die Rooisee tot by die Aliwal-bank. In Engels staan die vis bekend as die Scissortail goby.
