الأسماء في صفحات التنقل
Die Rugstekel-koeivis (Lactoria fornasini) is 'n vis wat voorkom in die Indiese Oseaan, die weste van die Stille Oseaan, die Rooisee en aan die ooskus van Afrika suidwaarts tot by die suide van KwaZulu-Natal. In Engels staan die vis bekend as die Backspine cowfish.
Die vis word tot 15 cm lank. Daar is 'n doringagtige stekel op die in die middel van die rug. Die kleur van die vis varieer baie; dit kan geel wees met blou of pers kolletjies. Dit kan ook donkerbruin wees met pers kolletjies met geel rante. Die vis verander sy kleur na aanleiding van sy omgewing.
Hulle leef in tropiese strandmere, riviermondings en aflandige riwwe in water wat 1 tot 40 m diep is. Die vis is gewoonlik 'n alleenloper en vreet bodemongewerweldes.
Die Rugstekel-koeivis (Lactoria fornasini) is 'n vis wat voorkom in die Indiese Oseaan, die weste van die Stille Oseaan, die Rooisee en aan die ooskus van Afrika suidwaarts tot by die suide van KwaZulu-Natal. In Engels staan die vis bekend as die Backspine cowfish.
