الأسماء في صفحات التنقل
Co’l tèrmene serpente, o òfide, i vien ciamài i rètiłi scaumài che i ze de ła sotospesie Serpentes Linnaeus (o Ofidia). Ła siensa che ła studia i serpenti ła ze ciamà ofiołojìa e i só studiozi ofiòloji. I serpenti i ze bestie carnìvore, i manja bestie cełe come altri rètiłi e serpenti, ozełi, ovi, o inseti.
Alcuni serpenti i ga un mòrsego vełenozo che co cueło łe copa o łe parałiza ł’animałe prima de manjarlo; altri invese i copa par costrision
Ła pełe ła ze coerta de scaume; ła major parte de i serpenti ła dòpara łe scuame de ła pansa par mòvarse.
Łe só pàlpabre łe ze scuame trasparenti che łe par che łe reste sarà.
I serpenti i canbia onji ano ła pełe. Defarentemente da chełaltri rètiłi, cuesta mutasion ła ze fata inte na volta soła, cofà venjer fora da un calseto. Ła rajon de ła muta ła ze ła crésita de łe dimension de’l serpente, donca ła muta ła ze asè inportante par mejorar el movemento.
