ذعرة بيضاء

A codizennula (Motacilla alba) hè un aceddu chì faci partita di a famiglia di i Motacillidae. Misura trà 15 è 19 cm. Pesa circa 25 grammi. A codizennula hè codilonga.

A codizènnula nichja in a miò parti di l'Auropa è di l'Asia, è ancu in certi parti di l'Africa di u Nordu.

A codizènnula hè insittivora è mangna sopratuttu moschi, musculini, furmiculi è zinzali.

Sistematica

Cumprendi i siguenti sottuspezii:

• M. a. yarrellii Gould, 1837 monachella nera (sottuspezia endemica di a Gran'Britagna è di l'isula vicini)
• M. a. alba Linnaeus, 1758
• M. a. subpersonata Meade-Waldo, 1901
• M. a. personata Gould, 1861
• M. a. baicalensis Swinhoe, 1871
• M. a. ocularis Swinhoe, 1860
• M. a. lugens Gloger, 1829
• M. a. leucopsis (Gould, 1838)
• M. a. alboides Hodgson, 1836

In Corsica

A codizennula hè cumuna è prisenti tuttu l'annu in Corsica. A codizennula hè ancu chjamata in corsu: a codizingula, a codibattula, a coditremula, a codipennula.

Citazioni

A codizennula hè stata mintuvata calchì volta in a litteratura è u cantu corsu. Par asempiu:

• in i Canti d'aceddi di Monsignori Di La Fuata:

Ziazì fà la civetta

Codizennula vizzetta.

Rifarenzi

• Della Foata, Paulu Matteiu, 1973, "Poesie Giocose in lingua vernacula della pieve d'Ornano"
• Thibault, Jean-Claude, Les oiseaux de Corse - L'aceddi di Corsica, PNRC, 1983 (in francesu)
• Versini, Saveriu, Parolle di Corsica, 2001, DCL

Liami

• L'acelli - Les oiseaux, Ghjuvan Petru Battestini, Adecec, 1982

Da veda dinò

• aceddi di Corsica