Połch, tež drěmotka (Glis glis) je jednički hrymzak w swójbje spancow (Gliridae), kotryž słuša k rodej Glis. Wón je najwjetša Europska družina tuteje swójby.
Połch ma na hornim boku swětošěrobrunojtu, šěru abo brunošěru kožu. Jeho delni bok a jeho licy stej běłej. Wopuš njese dołhe kosmy, je hustokosmaty a docpěje dołhosć wot hač do 15 cm. Cyłkowna dołhosć hłowy a tyłowa docpěje 13 hač 19 cm. Wokoło wóčkow ćmowa rynčka je widźomne.
W porowanskim času, kotryž so stanje po wotućenju w nalěću, wón čini fifolace a kwičace zwuki. Sančki porodźeja po 4,5 tydźenjach tři hač sydom młodźatow, druhdy samo dwójce w lěće. Młodźata so něhdźe jedyn měsac ćěša.
Połch jě štomowe symjenja, hłownje žołdźe a bukwicy, płody, worjechi, štomowe wurostki, insekty, ptače młodźata a jejka. Zwjetša pyta swoje žranje na štomach.
Přirodne njepřećele płocha su lěsne kuny (Martes martes) a lěsne wiwki (Strix aluco).
Połch je domjacy wot sewjerneje Španiskeje, Grjekskeje a Italskeje, přez srjedźnu Europu hač do Uralskich horinow a Małeje Azije. W Irskej, Skandinawiskej a Jendźelskej njewustupuje, z wuwzaćom wokolina Londona. Wón tam je žiwy hłownje w dubowych a bukowych lěsach, parkach a sadowych zahrodach. Druhdy so tež we winicach namaka. Wón so pohibuje jenož wokoło 100 m wokoło swojeje hnězda, kotrež wón twari w štomowych a podzemskich jamach. Wodnjo wón spi, a to w prózdnicach, skalnych škałbach a často tež w ptačich hnězdźenskich kašćikach.
Wot oktobra połchi po wjacorych so namakaja w sam hrjebanych podzemskich jamach, hdźež wone zaspja zymu za čas něhdźe sydom měsacow. Druhdy wone samo spja w domach. Zymski spar traje hač do kónca apryla, často hač do meje, při njepřihódnym wjedrje samo hač do spočatka junija.
Połch, tež drěmotka (Glis glis) je jednički hrymzak w swójbje spancow (Gliridae), kotryž słuša k rodej Glis. Wón je najwjetša Europska družina tuteje swójby.