خز الزان

Shqarthi (latinisht: Martes foina), i njohur edhe si kunadhja gushëbardhë, është kafshë grabitqare e vogël, zakonisht me gëzof me ngjyrë të murrme.

Gjatësia

40-55 cm, pesha: 1-2.3 kg.

Përshkrimi

Gjitar i hollë, i gjatë, me këmbë të shkurtra, gëzof ngjyrë kafe e njollë të bardhë mbi gushë si dhe bisht të gjatë leshtor. Ngjan shumë me zardafin e Europës - pine martin (Martes martes)- qafa e të cilit është më e verdhë.

Statusi

Lloj i përhapur, jo i rrezikuar. Përhapja dhe habitati: Kunadhja është e përhapur gjerësisht dhe gjendet në pjesën më të madhe të Europës dhe Azisë Qendrore. Kunadhja ndeshet shpesh në të gjithë rajonin dhe jeton në pyjet fletorë, në habitate të hapura, në zona shkëmbore dhe pranë zonave të banuara.

Ushqimi

Kunadhja ushqehet me brejtës, shpendë dhe fruta të egra.

Sjellja

Lëviz kryesisht në drurë, por edhe në tokë. Këlyshët i rrit në drurë të vjetër, të çara shkëmbinjsh, etj.

Riprodhimi

Çiftëzohet në verë dhe femra pjell në pranverën e ardhshme. Bën 2-3 këlyshë që maturohen një vit mbas lindjes. Mund të jetojnë 7-8 vjet.

Zëri

Kërcitje.