Antirrhea ye un xéneru de lepidópteru ditrisio de la familia Nymphalidae. Les sos especies habiten en rexones selváticas de Centru y Sudamérica.
El xéneru Antirrhea foi descritu orixinalmente nel añu 1822 pol entomólogu alemán Jakob Hübner.
Xuntu de Caerois, esti xéneru forma la tribu Antirrheini de la subfamilia Morphinae.
Enantes, dambos xéneros taben allugaos en Satyrinae, pero fueron tresferíos a la so subfamilia actual de resultes d'un analís de 92 calteres (85 canesbes, 1 güevu y 6 adultos), onde quedó demostráu que yeren los parientes más cercanos del xéneru Morpho.[1]
Xeneralmente presenten una coloración de fondu que va dende la canela hasta'l pardu escuru, sobre la cual destáquense ocelos y/o marques, que pueden ser dende bien escures, blanques, naranxes, celestes, etc.
Antirrhea distribúise en selves de Centru[2] y Sudamérica, dende Méxicu pel norte escontra'l sur, algamando, con una única especie, hasta l'estremu nordeste de l'Arxentina, siendo rexistráu na provincia de Misiones, nuna área protexida sobre'l ríu Iguazú, la reserva privada Yacutinga, ensin llograse entá detectar nel cercanu parque nacional Iguazú.[3][4]
Antirrhea engloba caparines de tamañu medianu, de vuelu ondulante, xeneralmente percorriendo sectores avesíos y húmedos de les selves onde habita. Pósase sobre frutos lleldaos que cayen al pisu, o sobre escrementos. Al ser asustada alloñarase de l'amenaza escontra sectores trupos, pa depués posase y quedar totalmente quieta, col enfotu de el so mimetismu.
Según l'autor, esti xéneru subdivídese n'ente 20 y 11 especies:[5]
Antirrhea ye un xéneru de lepidópteru ditrisio de la familia Nymphalidae. Les sos especies habiten en rexones selváticas de Centru y Sudamérica.
Antirrhea ornata (cara ventral).