El saresaro (o siaresaro o sareser o sarezer) (nome sientifego Prunus avium) el xe 'n albaro da fruta deła fameja dełe Rosaceae (se dixe in todesco Kirsche, in inglexe Cherry, in taljan ciliegio). El po esare alto dai 15 ai 30 metri, ła scorsa ła xe dura, ła sluxega e ła ga un cołor roso-grixo.
Ła scavejara de rami fisi e pieni de buti ła ga na forma de cono slargà. Łe foje łe xe longhe e ovałi, de 6 — 15 cm, con orlo iregołare a dentini de sega, verdi, coła parte sora luçida e keła soto ke se vede i nervi deła foja. Ciaaskeduna ła ga un pecol de 2 — 5 cm, ała fine del kuałe ghe xe, suła parte sora, do ghiandołete rose.
Da 2 a 4 — 6 fioreti i vien fora a corinbo, con diametro de 2,5 — 3,5 cm insieme ałe foje, in apriłe - majo. El fruto (saresa o siaresa) el xe roso scuro, tondo, con diametro de 6 - 25 miłimetri.
EL saresaro el se trova in tuta Eoropa, dal Mediteraneo fin al 54° grado de latitudine nord e a est fin ała linea Minsk - Kursk - Woronesch - Rostov. El se trova anca in Turchia del nord, 'ntel Caucaso e in Iran del nord, ma el xe sta inpiantà anca in Nord Africa, in Sud Turkestan e 'nteł' Est del Nord America.
Fra i 349 prodoti agroałimentari tipici par qualità e storia deła region Veneto ghe xe anca łe sarese. In particołare ghe xe:
El saresaro xe un òtimo legno par far mobiłi (tołe, careghe, credense) e pavimenti (Parquet).
In Germania i distiła łe sarese par farghine na graspa dal bocado seco: in Foresta Nera i ła ciama aqua de sarese (Kirschwasser). El cherry invese xe un liquore dolse fato in Inghiltera.
El saresaro (o siaresaro o sareser o sarezer) (nome sientifego Prunus avium) el xe 'n albaro da fruta deła fameja dełe Rosaceae (se dixe in todesco Kirsche, in inglexe Cherry, in taljan ciliegio). El po esare alto dai 15 ai 30 metri, ła scorsa ła xe dura, ła sluxega e ła ga un cołor roso-grixo.
Ła scavejara de rami fisi e pieni de buti ła ga na forma de cono slargà. Łe foje łe xe longhe e ovałi, de 6 — 15 cm, con orlo iregołare a dentini de sega, verdi, coła parte sora luçida e keła soto ke se vede i nervi deła foja. Ciaaskeduna ła ga un pecol de 2 — 5 cm, ała fine del kuałe ghe xe, suła parte sora, do ghiandołete rose.
Da 2 a 4 — 6 fioreti i vien fora a corinbo, con diametro de 2,5 — 3,5 cm insieme ałe foje, in apriłe - majo. El fruto (saresa o siaresa) el xe roso scuro, tondo, con diametro de 6 - 25 miłimetri.
