De Echten Radnettspinnen (Araneidae) sünd en Spinnenfamilie mank de Echten Weevspinnen (Araneomorphae). Mit 167 Geslechter un 3.084 Aarden sünd se dor de drüddgröttste Familie mank de Weevspinnen (Araneae) mit (Stand: Oktober 2016). In Middeleuropa levt sunnerlich dat Geslecht vun de Krüüzspinnen (Araneus), wat mank de Echten Radnettspinnen de meisten Aarden hett.
Echte Radnettspinnen hefft an de Spitzen vun de Loopbeen dree Klauen mit Bösten doran. Dor könnt se Spinnennetten ut to'n Deel backige Siede mit herstellen, de Indruck maken doot. Ofschoonst de ganze Familie ehren Naam vun düsse Netten her hett, de utseht, as Wagenröder, boot nich all Aarden Radnetten. Bolaspinnen in Australien weevt lüttje, backige Kogeln. Dor sitt Substanzen in, de Pheromone lieken doot. Dor lockt se de wecken Uhlen mit an.
Annere Aarden boot Netten, de sünd nich regelmatig upboot. De Sekterspinnen (Zygiella) laat meist een Sekter in ehr Nett free. Aarden ut dat Geslecht Argiope (dor höört ok de Wöpsenspinne to) weevt en düütlich Zickzack-Muster in ehr Nett mit in.
Dat gifft Geslechter mank de Familie, de leevt semi-sozial un billt Kolonien ut en paar Dusend Deerter. De ehre Netten gaht in'anner over. So maakt dat ok de Bruggenkrüüzspinne (Larinioides sclopetarius), de in Middeleuropa tohuse is. De Spinnen vun de Metepeira ut Mexiko weevt sogor gemeensam grote Netten.
De Echten Radnettspinnen (Araneidae) sünd en Spinnenfamilie mank de Echten Weevspinnen (Araneomorphae). Mit 167 Geslechter un 3.084 Aarden sünd se dor de drüddgröttste Familie mank de Weevspinnen (Araneae) mit (Stand: Oktober 2016). In Middeleuropa levt sunnerlich dat Geslecht vun de Krüüzspinnen (Araneus), wat mank de Echten Radnettspinnen de meisten Aarden hett.
