ಕನ್ನಡೊದ ಆಮೆ ತುಳುಟು ಏಮೆ ಆತ್ಂಡ್. ಇಂಗ್ಲಿಷ್ಡ್ tortoise ಪನ್ಪೆರ್. ಏಮೆ ನಾಲ್ ಕಾರ್ದ ಒಂಜಿ ಜೀವಿ. ಅವು ಒಂಜಿ ಚಿಪ್ಪುದ ಜಾತಿಗ್ ಸೆರಿನ ಸರೀಸೃಪ ಜಾತಿ. ಏಮೆದ ನಾಲ್ ಕಾರ್ ನರಮಾನಿಯನ್ ತೂನಗ ಚಿಪ್ಪುದ ಉಲಾಯಿ ಪೋಪುಂಡು. ಅಂಚನೆ ಅಯಿತ ಮಂಡೆ ಬಂಜಿದುಲಾಯಿ ಪೋಪುಂಡು. ಮಂಡೆ ಉಲಾಯಿ ಆಯಿಬುಕ್ಕೊ ಏಮೆನ್ ತೂಂಡ ತರೆ ಒಂಚಿ ಬೀಲೊ ಒಂಚಿಂದ್ ಗೊತ್ತಾಪುಜಿ. ಅಂಚಾದ್ ಒಂಜಿ ವಿಚಿತ್ರೊ ಜೀವಿ ಏಮೆ. ಏಮೆ ಕೆತ್ತಿ ದೀಡುನೆ. ಒರ ದೀವನಗ ನೂದೆಡ್ದ್ ಮಿತ್ತ್ ತೆತ್ತಿಲು ಪಿದಾಯಿ ಬರ್ಪುಂಡು.[೧] ಆಜರೆ ಫೀಟ್ ಅಗೆಲೊದ ೯೦೦ ಕಿಲೋ ತೂಕೊದ ಏಮೆಲುಲಾ ಉಲ್ಲ. ಏಮೆ ಜಡೊ ಪಂಡ ಉದಾಸೀನೊದಕ್ಲೆಗ್ ಉದಾರ್ಮೆ. ಏಮೆ ಮಸ್ತ್ ನಿಧಾನೊ. ಬೋಡಾ ಬೊಡ್ಚಾಂದ್ ಪಜ್ಜೆ ದೆಪ್ಪುನೆ.
ಎಲ್ಯೆಲ್ಯ ಜಾತಿದ ಏಮೆಲು ತೋಡು, ತುದೆ ಬರಿಟ್ಟ್ ತಿಕ್ಕುವ, ಅಂಡ ಆವು ಪರತೊಂದು ಒಡೆಗ್ಲಾ ಪೋಪ. ತೋಟೊಗು ಪೊಗ್ಗಿನ ಏಮೆಲು ತಾರೆದ ಕಟ್ಟೆಡ್, ಜಾಲ ಬರಿಟ್ಟ್ಲಾ ತೋಜಿದ್ ಬರ್ಪಿನವು ಉಂಡು. ಏಮೆ ನಮ್ಮ ಇಲ್ಲಡೆ ಬತ್ತ್ಂಡ ಹಾಳ್, ಆವು ಮಾಟ ಮಲ್ತ್ ಬೈದಿನ ಏಮೆ ಪನ್ಪಿ ನಂಬಿಕೆ ಹಳ್ಳಿಲೆಡ್ ಉಂಡು. ನೆಕ್ಕ್ ವೈಜ್ಞಾನಿಕ ಆಧಾರ ಇಜ್ಜಿ.