Purging Flax, Fairy Flax

Hórki len (Linum catharticum) je rostlina ze swójby lenowych rostlinow (Linaceae).

Wopis

Hórki len je jednolětna rostlina, kotraž docpěwa wysokosć wot 5 hač do 30cm.

Łopjena

Łopjena su přećiwostejne, jejote hač lancetojte, cyłokromne a docpěwaja dołhosć wot 1 cm. Maksimalnje hornje su měnjate.

Kćenja

Kćěje wot junija hač julija. Kćenja docpěwaja dołhosć wot 3 hač 6 cm. Jich pupki su wisace. 4-5 krónowych łopješkow docpěwa dołhosć wot 3 hač 6 mm a je běłe, ale na spódku žołte. 4-5 keluškowych łopješkow je na kromje žałzokosmate, jednonerwne a docpěwa dołhosć wot 2 hač 3 mm.

Stejnišćo

Wón rosće na wapnowych suchich trawnikach, bazojtych bahnowych łukach, pućowych kromach a skłoninach. Ma radšo włóžne, wapnowe, zwjetša huste pódy.

Rozšěrjenje

Rostlina je w Europje rozšěrjena, ale w juhu jenož w horinach.

Wužiwanje

Rostlina wobsahuje linin, z kotrehož su so prjedy čaj přihotowali. Tutón čaj su wotwodźacy wuskutk měł. We wjetšich mnóstwach wón wuskutuje bluwanski powabk.

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 233.
2. ↑ W internetowym słowniku: Flachs
3. ↑ W internetowym słowniku: Lein

Žórła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 64 (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 154 (němsce)
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)