De Jumfern oder Liekflunken (Zygoptera) sünd en Unnerorden vun de Insekten. Se maakt mit twee annere Unnerorden de Orden vun de Goldpeer ut. Över de ganze Welt hen gifft dat bi 2.700 Aarden vun Jumfern, dormank 49 Sorten in Europa.
Jumfern könnt vun de Echten Goldpeer (Anisoptera) goot ut'neen holen weern vunwegen en paar sünnerliche Kennteken: Se sünd allgemeen lichter boot; de Ogen sünd tämlich lüttjet un staht wiet ut'neen; wenn de Deerter sitten gaht, weert de Flunken vun de Jumfern na achtern över dat Lief tohopenfoolt' (bloß nich bi de Diekjumfern). Bi en Echt Goldpeerd staht se na de Siet hen af. De Vör- un de Achterflunken sünd bi de Jumfern liek groot. Dor kummt ok de wetenschoppliche Naam Zygoptera vun her, dat heet up Platt: Liekflunken.
De Jumfern un ok de Echten Goldpeer kennt en Unvullstännigen Gestaltwessel. De Larve strepelt ehre Huut af un warrt denn na dat leste Mol en Insekt mit Flögels un mit faken dannige Farven. De Larve is tämlich lüttjet, bit hen to um un bi twee cm, mit en small Achterlief, wo dree Steertkemen an sitten doot. Se röögt sik dör Hen- un Herswutschen vun dat Achterlief (Bi Echte Goldpeer gifft dat en Strahlandriev).
Blaue Beekjumfer Heken
Lüttje Lanteern Heken
Koralljumfer Heken
Watersnuut Heken
Weidebeekjuffer Heken
Weidebeekjumfer Seken
Brune Winterjumfer Heken
Spiddelige Diekjumfer Seken
Süüdliche Diekjumfer Seken
Holtdiekjumfer Seken
De Jumfern oder Liekflunken (Zygoptera) sünd en Unnerorden vun de Insekten. Se maakt mit twee annere Unnerorden de Orden vun de Goldpeer ut. Över de ganze Welt hen gifft dat bi 2.700 Aarden vun Jumfern, dormank 49 Sorten in Europa.
Jumfern könnt vun de Echten Goldpeer (Anisoptera) goot ut'neen holen weern vunwegen en paar sünnerliche Kennteken: Se sünd allgemeen lichter boot; de Ogen sünd tämlich lüttjet un staht wiet ut'neen; wenn de Deerter sitten gaht, weert de Flunken vun de Jumfern na achtern över dat Lief tohopenfoolt' (bloß nich bi de Diekjumfern). Bi en Echt Goldpeerd staht se na de Siet hen af. De Vör- un de Achterflunken sünd bi de Jumfern liek groot. Dor kummt ok de wetenschoppliche Naam Zygoptera vun her, dat heet up Platt: Liekflunken.
De Jumfern un ok de Echten Goldpeer kennt en Unvullstännigen Gestaltwessel. De Larve strepelt ehre Huut af un warrt denn na dat leste Mol en Insekt mit Flögels un mit faken dannige Farven. De Larve is tämlich lüttjet, bit hen to um un bi twee cm, mit en small Achterlief, wo dree Steertkemen an sitten doot. Se röögt sik dör Hen- un Herswutschen vun dat Achterlief (Bi Echte Goldpeer gifft dat en Strahlandriev).
