Gough Bunting

Rowettia goughensis^[1] a zo ur spesad golvaneged eus ar c'herentiad Thraupidae.

Anvet e voe Nesospiza goughensis (kentanv) da gentañ-penn (e 1904) gant an evnoniour breizhveuriat William Eagle Clarke (1853-1938).
Ar spesad nemetañ er genad Rowettia an hini eo. Dont a ra anv ar genad eus hini John Quiller Rowett (1876-1924), un den a aferioù saoz hag a arc'hantas Ergerzh Shackleton-Rowett^[2] da Antarktika (1921-22).

En arvar bras emañ ar spesad abalamour d'al logod (Mus musculus) a oa bet degaset da Enez Gough : bevañ a reont diwar vioù an evned kement hag o floged.

Doareoù pennañ

Boued

Bevañ a ra diwar amprevaned, greun, had, hugennoù ha kevnid^[3].

Annez

Brosezat eo ar spesad en Enez Gough^[4], en enezeg Tristan da Cunha (Rouantelezh-Unanet).

Liammoù diavaez

• (en) Rowettia goughensis war al lec'hienn BirdLife International.
• (en) Rowettia goughensis war lec'hienn an International Union for Conservation of Nature (IUCN).

Notennoù ha daveennoù