De Rotspecht (Dendrocops major; alemanischi Näme) isch e hüüffige Specht, wo s ganz Joor dor i Mitteleuropa vorchunnt. I de Alpe lebt er bis 2600 müM.
De Rotspecht hett e wiisse Buuch und en uuffälige roote Börzel. Nu Mandli hend uf em Hinderchopf e roote Fleck. De Buuch isch wiiss, de Chopf und d Flögel sind abwechsligswiis wiiss und schwarz. Rotspecht hend e lange graue Schnabel. Si wered 23 bis 26 cm grooss, hend e Spannwiiti vo 34 bis 44 cm und wöget 70 bis 90 Gramm.
De Rotspecht lebt im Wald, i Pärk und au i Sidlige. Im Früelig hackt er mit sim spitze Schnabel Löcher i d Bömm, wenn si uusschlönd und trinkt denn de Saft. Sus pickt er Insekte us em Holz. Im Winter pickt er au Chernli us Tanezapfe und Foremoich, won er in e Loch steckt.
Zom Neste pickt de Rotspecht jedes Joor e noiji Hööli inen Bommstamm. Di alte Höölene wered denn vo anderne Vögel biwont. Sis Revier zaigt er mit Trummle aa.
De Rotspecht (Dendrocops major; alemanischi Näme) isch e hüüffige Specht, wo s ganz Joor dor i Mitteleuropa vorchunnt. I de Alpe lebt er bis 2600 müM.