草原车轴草

Smažny dźećel (tež smužkaty dźećel) (Trifolium campestre) je rostlina ze swójby łušćinowcow (Fabaceae).

Wopis

Smažny dźećel je jednolětna rostlina, kotraž docpěwa wysokosć wot 10 hač do 20 cm.

Łopjena

Łopjena su třiličbne. Srjedźne łopješko je dlěšo stołpikate hač bóčnej. Łopješka su wopak jejkojte, prědku zubate a docpěwaja dołhosć wot hač do 17 mm. Pódlanske łopjena su jejkojte, na spódku wušěrjene a krótše hač łopjenowy stołpik.

Kćenja

Kćěje wot junija hač do awgusta. Swětłožołte kćenja docpěwaja dołhosć wot 4 hač do 5 mm a steja po dwacećoch hač po třicećoch (štyrcećoch) w hustych, 7-10 mm dołhich hłójčkach. Po překćěću su swětłobrune a njewotpadnu.

Kćenja maja wobłuki, kotrež absorbuja UV-swětło, ale tež wobłuki, kotrež reflektuja UV-swětło. Tohodla su za pčołki dwubarbne.

Stejnišćo

Rosće na wapnite suchich trawnikach, na pěskowych polach a na pućach.

Rozšěrjenje

Rostlina je w Europje rozšěrjena.

Podobnje družinje

• Złoty dźećel (Trifolium aureum) je we wšěch dźělach wjetši. Wšě łopješka su runje krótko stołpikate.
• Niska šlinčina (Medicago lupulina) ma łopješka z nastajenym kónčkom.

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 109.
2. ↑ W internetowym słowniku: Klee

Žórła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 166 (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 322 (němsce)
• Kral, Jurij: Serbsko-němski słownik hornjołužiskeje rěče. Maćica serbska, Budyšin (1927)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)
• Völkel, Pawoł: Hornjoserbsko-němski słownik, Ludowe nakładnistwo Domowina, Budyšin (1981)

Tutón nastawk je hišće zarodk wo botanice. Móžeš pomhać jón dale redigować. K tomu stłóč na «wobdźěłać».

Jeli eksistuje w druhej rěči hižo bóle wuwity nastawk ze samsnej temu, potom přełožuj a dodawaj z njeho.

---

Jeli nastawk ma wjace hač jedyn njedostatk, wužiwaj prošu předłohu {{Předźěłuj}}. Nimo toho so awtomatisce kategorija Kategorija:Zarodk wo botanice doda.