चिरई (अंगरेजी:Bird, हिंदी: चिड़िया) दू गो टांग आ पाँख वाली, आ अंडा देवे वाली जंतु हवे[3] जेकरे कुछ प्रजाति के छोड़ के बाकी सभ आसमान में उड़ सके लीं। ई रीढ़ वाली आ गरम खून वाली जंतु हईं स जिनहन के शरीर के तापमान पाँख से तोपाइल रहे के कारन बाहर के वातावरण से बहुत परभावित ना होला।[3]
पुरा दुनिया में चिरइन के लगभग 10,000 प्रजाति पावल जालीं। भारत में इनहन के लगभग 1,314 गो प्रजाति रिकार्ड कइल गइल बाटे। इन्हन में से 42 गो देसी, 1 गो बाहर से आदमिन द्वारा ले आइल, आ करीब 25 गो यदा-कदा आ बहुत कम पावाल जाये वाली बाडीं। दू गो प्रजाति अबले भारत से बिलुप्त हो चुकल बाड़ीं आ 82 गो प्रजाति अइसन बाड़ीं जिनहन पर पुरा बिस्व भर में खतरा मँडरात बाटे।
