She lus vleeantagh ee brashlagh (Sinapis arvensis). T'ee dooghyssagh da'n Oarpey as t'ee er ny jannoo dooie ayns America Hwoaie myrgeddin myr sarkyl.
Ta gass jeeragh eck, as ish renaigagh faggys da'n vun eck. Ta duillagyn y vun mooar as angheyre, lieh-fedjagagh as feeacklagh, as ta cass oc. Ta duillagyn ny gass ny sloo, gyn chass, as dronuillagagh dys oohchrooagh, as ta bir oc.[1] Ta crouw-vlaaghey wuighey eck as blaaghyn kiare-phetyllagh ecksh. She fynneig liauyr eh y mess eck, mysh 3-5em er lhiurid as gob 1-2cm echey. Ta rassinyn dhoney dorraghey ayn, as t'ad tannaghtyn bio rish wheesh as 10 bleeantyn 'sy thalloo, ny erreish daue goll trooid corys lheieagh beiyn ny keayrtyn.[1]
She sarkyl t'ayn dy cadjin, as olteyr cadjin da Plasmodiophora brassica, ny vun çhingys da troaryn 'sy chynney Cruciferae. Ta meeyllyn glassey as noidyn elley cummal urree myrgeddin.
Ta wheesh as 30% ooill ayns ny rassinyn, as ta ymmyd keirdagh jeant jee. Ta shellanyn as foillycanyn gee ish.
She lus vleeantagh ee brashlagh (Sinapis arvensis). T'ee dooghyssagh da'n Oarpey as t'ee er ny jannoo dooie ayns America Hwoaie myrgeddin myr sarkyl.
