La calabaza, (Cucurbita maxima) ye una planta herbácea añal cultivada pol so frutu, flor y semiente.
La C. maxima tien tallos flexibles y trepadores. Tien fueyes cordiformes, pentalobulaes, de gran tamañu y ñervadures bien marcaes; presenta abonda pelosidá en fueyes y tallu. Les flores son marielles, de pétalos carnosos, monoiques. El frutu ye una mena de baga denomada pepónide; verde a naranxa intensu. El mondu ye de color mariellu-anaranxáu, densu, de testura firme y tastu duce.
Ye orixinaria de Sudamérica, au xorrez montés. Introdúxose n'Europa no cabero del sieglu XVI. Anguaño cultívase en rexones templaes y sotropicales de tol mundu.
La C. máxima produz semiente con facilidá. Tien de curiase la seleición de la mesma, darréu qu'hibrida de mena espontánea con otres especies de Cucurbita. Dase en suelos llixeros silicáceos, bien drenaos y con munchu mugor. Nun soporta les xelaes nin les seques. Colléchase alrodiu de seis meses dempués de la plantación.
La calabaza, (Cucurbita maxima) ye una planta herbácea añal cultivada pol so frutu, flor y semiente.
La C. maxima tien tallos flexibles y trepadores. Tien fueyes cordiformes, pentalobulaes, de gran tamañu y ñervadures bien marcaes; presenta abonda pelosidá en fueyes y tallu. Les flores son marielles, de pétalos carnosos, monoiques. El frutu ye una mena de baga denomada pepónide; verde a naranxa intensu. El mondu ye de color mariellu-anaranxáu, densu, de testura firme y tastu duce.
