Los hominidos son una familia de primates que incluye a os humans y os simios (chimpancés, gorilas y arangutans). Dica fa poco o termin hominidos incluiba anteriorment en sentiu estricto a os humans y os suyos antepasaus. Os simios (chimpancés, gorilas y arangutans) yeran clasificaus en una familia aparte clamada Pongidae pero dimpués de quantos estudios cheneticos s'acceptoron a os simios como una subfamilia Ponginae d'a familia Hominidae, os chimpancés se baixoron mas dica a tribu Hominini seguntes quantos autors. Qualques eruditos mesmo l'han intentau clasificar como parte d'o chenero Homo. Os humans comparten un 99% d'o suyo chenoma con os chimpances, un 97% con os gorilas y 95% con os arangutans. [1]
Os hominidos son os primates mas grans, con un peso que oscila de 48 kg a 270 kg. En cheneral, os matos son mayors que as fembras (dimorfismo sexual), con cuerpos robustos y brazos bien desembolicaus. Tienen numerosas diferencias respective a o esqueleto d'os atros primates, especialment relacionadas con o suyo porteye vertical.
Totz os miembros d'ista familia tienen celebros relativament grans y complexos. Tienen as narices proximas una d'unatra y orientadas ent'o frent y enta baixo. A formula dental ye a mesma en totz os miembros d'iste grupo: 2/2, 1/1, 2/2, 3/3 = 32.
Os hominidos son omnivoros, encara que a base d'a suya alimentación gosan estar as fruitas y vechetals: en o caso d'o chimpancé e os humans pueden incluir atros mamiferos, o que constituye menos d'o 2% d'a suya dieta. Unatra caracteristica ye a complexidat d'o suyo comportamiento social, expresión facial y vocalización complexa. Totz construyen casas u cubilars y cudian muito a os suyos crías entre un largo periodo; as fembras tienen cheneralment una cría en cada chestación. [2]
Son os animals mas intelichents d'o mundo, tienen prou habilidat pa creyar y utilizar ferramientas, hue en día solament l'Homo sapiens (human) ha aconseguiu expandir-se y dominar a Tierra, as atras especies d'hominidos estan en periglo d'extinción a causa d'a perda d'o suyo habitat y a cacera humana.
Bi ha ueito especies vivientes d'hominidos que se clasifican en quatro cheneros.
Los hominidos son una familia de primates que incluye a os humans y os simios (chimpancés, gorilas y arangutans). Dica fa poco o termin hominidos incluiba anteriorment en sentiu estricto a os humans y os suyos antepasaus. Os simios (chimpancés, gorilas y arangutans) yeran clasificaus en una familia aparte clamada Pongidae pero dimpués de quantos estudios cheneticos s'acceptoron a os simios como una subfamilia Ponginae d'a familia Hominidae, os chimpancés se baixoron mas dica a tribu Hominini seguntes quantos autors. Qualques eruditos mesmo l'han intentau clasificar como parte d'o chenero Homo. Os humans comparten un 99% d'o suyo chenoma con os chimpances, un 97% con os gorilas y 95% con os arangutans.
