Pinus koraiensis Siebold & Zucc.

Kóreufura (fræðiheiti: Pinus koraiensis) er furutegund ættuð frá austur Asíu: Kóreu, norðaustur Kína, Mongólíu, tempruðum regnskógum austast í Rússlandi og mið Japan. Í norðurhluta útbreiðslusvæðisins vex hún í lítilli hæð, vanalega í 600 til 900 m hæð, en sunnar er hún fjallatré í 2.000 til 2.600 m hæð í Japan.^[1][2]

Litningatalan er 2n = 24.^[3]

Börkur

Lýsing

Á náttúrulegu búsvæði sínu eða við áþekk skilyrði getur hún náð 30 m hæð. Ræktuð verður hún að 15 m há.^[4] Hún er pýramídalaga í formi, og yngri tré með uppréttar greinar og eldri tré með láréttar greinar sem ná niður að jörð. Grár eða brúnleitur börkurinn flagnar af og kemur þá í ljós rauðleitur innri börkurinn. Blágrænar barrnálarnar eru 5 saman, og að 4,5 sm langar og um 1mm breiðar. Könglarnir eru að 6 til 12 sm langir.^[4]

Nytjar og vistfræði

Ætar hneturnar af þessari tegund eru þær sem eru almennastar í sölu í Evrópu og Bandaríkjunum.^[4][1] Hnetuolían inniheldur 11.5% af hinni óvenjulegu fitusýru pinolenic acid (cis–5–cis–9–cis–12 octadecatrienoic acid).^[5] Olían nýtist í sleipiefni og sápur.^[6] Trén eru einnig uppspretta terpentínu, resína og tannína.^[1][7]

Kóreufura er einnig ræktuð til skrasuts. Hún þolir mismunandi jarðvegsgerðir og þrífst jafnvel í borgum. Hún er aðlöguð veðurfari með mjög köldum vetrum.^[4] Það eru til allnokkur ræktunarafbrigði, svo sem hið bláleita 'Glauca' og 'Silveray' og breiðvaxna 'Winton'.^[8]

Viðurinn er nýtanlegur til margra hluta, t.d. í byggingar.^[4] Hann er léttur, með beinum vígindum, og auðvelt að vinna með. Það er notað í flísar, spæni (spónaplötur) og pappamassa.^[1] Hinar fjölbreytilegu nytjar hafa valdið rányrkju á tegundinni í náttúrunni, og eyðingu búsvæða sem tegundinni fylgja. Síberíutígur á heimkynni sín í þessum skógum, og verndun þeirra er eitt skref í verndun tígursins.^[1]

Önnur tegund sem tilheyrir kóreufuru er hnotkráka (Nucifraga caryocatactes), sem safnar fræjunum og leikur stórt hlutverk í dreifingu þeirra.^[9]

Myndir

• Form

• Barr

• Fræ

• Teikning

Tilvísanir

Wikimedia Commons er með margmiðlunarefni sem tengist

Kóreufura

Ytri tenglar

• Korean Pine. American Conifer Society.
• Pinus koraiensis - Korean Stone Pine. Conifers Around the World.

Wikimedia Commons er með margmiðlunarefni sem tengist

Kóreufura

Wikilífverur eru með efni sem tengist

Kóreufura

Þessi líffræðigrein er stubbur. Þú getur hjálpað til með því að bæta við greinina.