Ulmus glabra Huds.

Górski wěz (Ulmus glabra; syn.: Ulmus scabra, Ulmus montana) jo rostlina ze swójźby wězowych rostlinow (Ulmaceae).

Wopis

Górski wěz je bom, kótaryž dośěgnjo wusokosć wót 30 m.

Škóra jo wedli brozdata.

Łopjena su šyroko-lancetne, gropne, wótšo rězane, na spódku njesymetriske, górjejce mócnje gropne, na dolnem boku kósmate, dośěgnu dłujkosć wót 8 až do 12 cm a maju na wobyma bokoma 12-20 bocnych nerwow.

Kwiśo wót měrca až do apryla. Kwiśonki se pśed łopjenami jawje a su pśisamem sejźece.

Płod dośěgnjo dłujkosć wót 3 cm a njaso kśiłka. Semje jo w srjejźišću płoda.

Stojnišćo

Rosćo we dolinowych gólach a chłodkojtych wótkłonowych gólach. Preferujo wót zapšažowanja włožne, wutkate a bazowe, cesto pógibowane, glinjane a běłoglinowe zemi.

Rozšyrjenje

Rostlina w Europje rozšyrjona, w Alpach až do wusokosćow wót 1400 m.

Noty

1. ↑ Dolnoserbsko-nimski słownik, ISBN 3-7420-1096-4, bok 535
2. ↑ W internetowem słowniku: Ulme

Žrědła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, bok436 (nim.)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, bok 396 (nim.)