nomes no trilho de navegação
Polartorsk (Boreogadus saida) er ein fisk i torskefamilien.
Polartorsken er tydeleg slankare enn andre torskefiskar. Han er raud- eller gråbrun oppå med lysare sider og kvit eller sølvfarga buk. Finnane kan spela blåraudt. Lengda er vanlegvis 20-25 centimeter, men ein har funne fisk oppe i 40 centimeter.[1] Han har eit lite «skjegg» under haka.[2]
Polartorsken kan bli minst 7 år gammal.
Fisken finst sirkumpolart i arktiske vatn, sør for Island, utanfor Noreg og i Kvitehavet.[1] Polartorsken er pelagisk og føretrekk kaldt vatn (vanlegvis med ein overflatetemperatur under 5 °C).[2]
Polartorsken finst vanlegvis i vatn nær iskanten, men ein kan også finna han lengre ute og på djupare vatn. Han kan symja inn i brakkvatn i elvemunningar og fjordar.[1] Fisken et mellom anna zooplankton, som pungreker, og småfisk.[3]
Polartorsken gyter i kystnære område med ein sjøtemperatur like over 0 °C.[2]
Fisken blir fanga i stor skala, hovudsakleg som industrifisk til framstilling av fiskemjøl og olje.[2]
Polartorsk (Boreogadus saida) er ein fisk i torskefamilien.
