nomes no trilho de navegação
Asio capensis[2] ye una especie d'ave estrigifrome de la familia Strigidae que vive en África.
El búho moru mide unos 35–37 cm de llongura con un valumbu alar de 82–99 cm. Tien un aspeutu similar al búho campestre (Asio flammeus) que ye llixeramente mayor. El plumaxe de les sos partes cimeros ye pardu, cuasi ensin veteado, y les sos partes inferiores son ablancazaes con llistáu castañu. Estrémase del so pariente pola uniformidá del marrón de les sos partes cimeros, una y bones el búho campestre amuesa un trupu veteado escuru. El búho moru presenta un marcáu discu facial, tien los güeyos mariellos col iris negru, y copetes a manera d'oreyes curtios que xeneralmente nun son visibles por que nun los suel tener arizaos. Tien ales llargues que-y dexen entamar lenta y silenciosamente cuando caza.
Estiéndese principalmente pol África subsaḥariana anque tamién s'atopa nel norte de Marruecos, a lo que debe'l so nome común, y esisten pequeñes poblaciones aisllaes nos montes del interior de Madagascar.[1]
De cutiu ta posáu nel suelu o sobre postes baxos. Suel cazar en campu abierto, y con frecuencia pel día. Aliméntase principalmente d'inseutos, pero tamién caza pequeños mamíferos, como royedores, y aves.
El búho moru añera nel suelu en humerales estenos, onde pon ente 2-4 güevos escondíos ente la vexetación.
La so llamada ye un kaar similar al d'una xaronca y tamién emite siseos tipu "shrss".
.
Esta páxina forma parte del wikiproyeutu Aves, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. Asio capensis ye una especie d'ave estrigifrome de la familia Strigidae que vive en África.
