nomes no trilho de navegação
Aligatoro (Alligator)[1] estas genro de granda krokodilulo vivanta en riveroj de Nordameriko kaj Azio. La plej konata estas misisipa aligatoro (Alligator mississippiensis), kiu atingas eĉ 6 metrojn. Antaŭ la homo ĝi kutime fuĝas, sed atakas brutojn kaj entiras ilin en la akvon. Ĝi estas farme bredata pro altkvalita haŭto.
Malpli multe konata estas la Ĉina aligatoro aŭ jangvzia aligatoro (Alligator sinensis).
En Esperantujo, aligatoro povas ankaŭ signifi "homo, kiu aligatoras".
Etimologie, la vorto "aligatoro" venas el la angla, alligator, kiu siavice venas el la hispanaj vortoj el lagarto, signifanta "la lacerton", la nomo kiun donis al ili hispanaj esploristoj kaj kolonianoj en suda Florido.
