nomes no trilho de navegação
De Gollene Rosenkäver, ok slicht Goldkäver (Cetonia aurata) is en Käver ut de Familie vun de Rosenkävers (Cetoniinae). In Düütschland steiht he unner Schuul. In dat Johr 2000 weer he to't Insekt vun dat Johr wählt wurrn.
De Goldkävers könnt 14-20 Millimeters lang weern. Ehr Lief lücht up de Böversiete in allerhand Farven vun Metall, vun gröön bit hen na bronze, man ok gollen, blaugröön oder blau bit hen na blauvigelett. An de Unnersiet is dat Lief roodgollen. Up de Deekflunken sünd en poor witte Placken oder Dwarsgölen to sehn. Sunnerlich twuschen de beiden achtersten Drüddels vun de Deekflunken fallt en witt Band up, wat dor dwars overweg lopen deit. Hen un wenn verscheelt sik de Klöör vun de Deekflunken gegen den Rest vun de Böversieten over. As annere Rosenkävers ok, kann de Goldkäver siene Flunken unner de Deekflunken utfolen un utbreden, ohn, datt he de Deekflunken op maakt. He flüggt ok mi Deekflunken, de to blievt, anners, as de meisten Aarden mank de Kävers.
De Deerter sünd u. a. in Europa tohuse, in'n Norden bit hooch na Norwegen sienen Süden, Middelsweden un -finnland. Na Osten to sünd se to finnen over Lüttasien, Vörasien un Sibirien, bit na China sien Noordwesten hen. In Grootbritannien sünd se man bloß hen un wenn to finnen. Flegen deit de Goldkäver vun Aprilmaand bit Oktober.
De Imagines sünd faken up Blöten to finnen, unner annern bi Rosen, Aaftbööm, Ellhoornbüsch, Heegdoorn oder bi Scheermblöten. De Maibudden leevt in Holtrottels, Kumpost, un hen un wenn ok mol in'n Iemeckenbulten. Verpoppen doot se sik in en Kokon ut Eer un Holtfasern.
De Budden vun den Goldkäver freet bloß man Holt- un Plantenrottels. De Kävers suugt an söten Plantenssapp un freet Pollen un annere zorte Plantendeele.
In den Catalogue of Life weert düsse Unneraarden upföhrt:[1]
Larve (Maibudde)
Präparat mit utbreedte Flunken
Unnersieten vun en doden Käver
In'e Luft
Jugendmarken Berlin 1993, Für die Jugend, gefährdete Käfer
Wohlfahrtsmarke
. Mehr Biller, Videos oder Audiodateien to’t Thema gifft dat bi Wikimedia Commons. De Gollene Rosenkäver, ok slicht Goldkäver (Cetonia aurata) is en Käver ut de Familie vun de Rosenkävers (Cetoniinae). In Düütschland steiht he unner Schuul. In dat Johr 2000 weer he to't Insekt vun dat Johr wählt wurrn.
