Karét munding; Kikarét; Ficus elastica nyaéta tangkal karét nu asalna tina kulawarga moraceae.[2]
Ieu tangkal asalna ti nagara Sri Lanka, kiwari Loba kapanggih hirup di nagara-nagara Asia utamana di Indonésia.[3][4] Karét munding loba kapanggih hirup liar di sisi susukan, leuweung, tegalan, malahan kiwari loba dipelak dina pot pikeun papaes buruan.[2] Di nagara urang karét munding sok disebut ogé Kajaj, karét batang, karét kebo, ki karét, kolelet, rambung.[2] Dinagara luar sok disebut ogé : Yin du xiang shu (C), India rubber tree (I), Caoutchouc d'assam, gummifeigenbaum, karét boom.[2]
Karét munding bisa hirup kalawan subur di daérah nu kaayaana di sahandapeun 500 mdpl, mangsa diturih kulitna baris ngaluarkeun geutah kentel nu kelirna bodas.[2] Ieu geutah mibanda sipat kawas karét, sok disebut karet india.[2]
Tangkalna bisa hirup nepika jangkungna 40 méter; gedé buleudan tangkalna nu kungsi diukur nepika aya nu 2 méter, tina dahan bijil akar ngagarantung kawas janggot, tempona ieu akar gantung nepi kana taneuh bakal ngajadi tangkal nu bakal ngagedéan deui.[2]
Dauna salambar-salambar karandel tur lalonyod gedéna kurang leuwih 10-35 cm, dina dahan anyar dauna leuwih rubak tibatan daun nu bijil tina dahan nu geus karolot.[2] Dauna sok ngarangrangan mangsa datang usum halodo, sarta rampak deui barijil pucuk mun usum hujan geus manjing. Daun ngora sarta pucukna nu mimiti bijil, sok disimbutan kénéh ku salumpit nu kelirna beureum nu engkéna baris murag mangsa dauna ngagedéan.[2]
Buahna teubisa di dahar, ukuranna laleutik sarta lonyod, kelirna konéng semu semuhéjo.[2]
Tangkal karét munding loba kapanggih hirup ti mimiti nagara: Nepal, Indonesia, Bhutan, northeastern India, Burma and China (Yunnan) and Malaysia.[2] Ieu tangkal loba kapanggih hirup di nagara nu mibanda iklim tropical kaasup Hawaii sarta West Indies. di Éropa ogé bisa manggiha ieu tangkal, dijieun papaés di taman-taman. Sarta di basisir Spanyol jeung Italia.[2]
Akarna mibanda rasa lada geus tibaheula mula, dimangpaatkeun pikeun ngubaran kasakit reumatik.[5] Nyeri padaharan, sarta ngubaran bisul.[5] Carana bisa di godong, atawa di bebek akarna terus baé ditaplokeun didaérah nu nyeri.[2]
Di nagara India akarna nu ngarumbay di anyam ngawangun sasak pameuntasan.[5] Geutahna ngandung lateks, akar sarta kulitna ngandung saponin, flavonoid, sarta polifenol.[5] Dina dauna mibanda kimia saponin, polifenol, sarta tanin.[2]
Karé munding nudigambarkeun ku Köhler's Medicinal Plants (1887)
dina taun 1854 nu digambarkeun Ficus elastica dijieun jambatan hirup
Ficus elastica daun karét munding Ficus lutea on the right
Ficus elastica nu aya diburuan Savusavu, Fiji, showing the effects of constant pruning on the growth form.
A huge Ficus elastica tree in Ghana showing the aerial roots.
A variegated cultivar
Karét munding; Kikarét; Ficus elastica nyaéta tangkal karét nu asalna tina kulawarga moraceae.
Ieu tangkal asalna ti nagara Sri Lanka, kiwari Loba kapanggih hirup di nagara-nagara Asia utamana di Indonésia. Karét munding loba kapanggih hirup liar di sisi susukan, leuweung, tegalan, malahan kiwari loba dipelak dina pot pikeun papaes buruan. Di nagara urang karét munding sok disebut ogé Kajaj, karét batang, karét kebo, ki karét, kolelet, rambung. Dinagara luar sok disebut ogé : Yin du xiang shu (C), India rubber tree (I), Caoutchouc d'assam, gummifeigenbaum, karét boom.