Lo quetzal resplendent (Pharomachrus mocinno) es un aucèl de la familha dels trogonids. Se trapa del sud de Mexic fins a l'oèst de Panamà (contrariament als autres quetzals del genre Pharomachrus, que se trapan en America del Sud e a l'èst de Panamà). Es famós per son plumatge colorat. Existisson doas sosespècias, P. m. mocinno e P. m. costaricensis.
Lo quetzal joga un ròtle important dins las mitologias mesoamericanas. Lo quetzal resplendent es l'aucèl nacional de Guatemala, e son imatge es sus la bandièra e sus l'escut de Guatemala. Es tanben lo nom de la moneda del país (abreviacion GTQ).
