Ophiophagus hannah (Cantor 1836)

Konungskóbra (fræðiheiti: Ophiophagus hannah) er kóbra og stærsta eiturslanga í heimi. Hún getur orðið allt að 6 metrum á lengd, vegið allt að 13 kílóum og lifað í um 20 ár.

Heimkynni

Konungskóbran lifir helst í regnskógum eða á svæðum þar sem er skóglendi og mikið regn. Þær er aðallega að finna á sléttum í Indlandi, Suður-Kína og Suðaustur-Asíu. Kóbrurnar kunna vel við sig uppi í trjám en einnig í vatni og uppi á landi.

Útlit

Húðin er annaðhvort ólífugræn, brún eða svört. Gul krossbönd koma niður líkamann. Maginn er rjómagulur og er sléttur og mjúkur. Karlkyns kóbran er gildari og stærri en kvenkyns kóbran.

Mataræði

Konungskóbrurnar lifa aðallega á öðrum slöngum, bæði eitruðum og óeitruðum. Einnig éta þær eðlur, egg og minni spendýr.

Nokkrar staðreyndir um konungskóbruna

• Konungskóbrurnar eru einu slöngurnar í heiminum sem búa til hreiður fyrir egg sín.
• Eitrið í kóbrunum hefur verið notað sem verkjalyf og lyf gegn liðagigt.
• Með einu biti spýtir konungskóbran úr sér allt að 7 millilítrum af eitri sem getur drepið allt að 7 manns og jafnvel heilan fíl.
• Kóbrurnar lyfta sér upp og þenja út út hettuna sem þær eru með þegar þær eru í árásarham.
• Þær geta lyft upp allt að einum þriðja af líkamslengd sinni.