Далайн хав (Phoca vitulina) нь Чихгүй далайн хав буюу Phocidae овгийн хөхтөн амьтан юм. Далайн хав нь Дэлхийн бөмбөрцгийн хойд хагаст, хүйтэн сэрүүн бүсийн далайд амьдардаг. Атлантын далай, Номхон далайн хойд хэсгийн эргүүд, Балтын тэнгис зэргээр өргөн тархан суурьшсан. Өдгөө нийт тоо толгой нь 400-500000 байна.
Эм далайн хав 120-170 см, 50-150 кг бол эр нь 150-200 см, 70-170 кг жинтэй. Далайн хав бүр өөр өөр хар бараан судал толботой байх ба хар бордуу, бор шаргал, мөн саарал гэх мэт олон янзын өнгө зүстэй байна. Бие болон сэлүүр нь богино, пагдгар, том бөөрөнхий хэлбэрийн толгойтой.
Далайн хав голчлон загасаар хооллоно. Хар хайган, тэнгисийн алгана, май, хар амар, сагамхай, халпинь, мерланг зэрэг загаснууд болно. Зарим үед арваалж, сам хорхой, нялцгай биетэн иддэг. Далайн хав 10 гаруй минут, 500 м орчим гүнд шумбаж чадах ч, ихэнхдээ 3 минут орчим, 20 м гүнд шумбадаг аж. Усны шувууруу дайран барьж идсэн тохиолдол бий.
Далайн хав (Phoca vitulina) нь Чихгүй далайн хав буюу Phocidae овгийн хөхтөн амьтан юм. Далайн хав нь Дэлхийн бөмбөрцгийн хойд хагаст, хүйтэн сэрүүн бүсийн далайд амьдардаг. Атлантын далай, Номхон далайн хойд хэсгийн эргүүд, Балтын тэнгис зэргээр өргөн тархан суурьшсан. Өдгөө нийт тоо толгой нь 400-500000 байна.
