Polar Bear

Běły mjedwjedź^[1][2] (tež polarny mjedwjedź, Ursus maritimus) je najwjetša družina mjedwjedźow. W někotrych žórłach je swójskemu rodej (Thalarctos) zarjadowany a tam ma wědomostne mjeno Thalarctos maritimus.

Wopis

Běły mjedwjedź docpěje wysokosć wot hač do 1,6 m, dołhosć ćěła wot 1,8 m (sančki) hač 2,5 m (sancy). Sancy maja 400–600 kg, sančki 300–400 kg. Hłowa je relatiwnje małka a wuska. Wuši stej napadnje krótkej a skulojćenej. Koža je husta a běła hač nažołć běła. Ma krótke płuwanske kože mjez palcami.

Žerje předewšěm mjaso wot ćulenjow, w lěće tež je wšožračk. Za hońtwow ćulenjow daloke pućuje.

Młodźata so w sněhowej jamje porodźa a maja wažu wot jenož 600 g. Po 4 měsacach sančka z młodźatami jamu wopušći.

Rozšěrjenje a žiwjenski rum

Tuta družina mjedwjedźa je typiska za sewjerne polarne kónčiny. Wón je žiwy w Grönlandskej, na sewjernym pobrjoze Sewjernej Ameriki a Aziji. Na wšitkich tutych teritorijach je škitany a jeho hońtwa so kontroluje. Ma so za to, zo je žiwych něhdźe 40 000 tutych mjedwjedźow.

Wažne kajkosće

Wažne fakty wo běłym mjedwjedźu wysokosć při zahriwach: 1,5 m wysokosć wupřestrěwajo: 2,4-3,3 m dołhosć: hač 2,5 m waha: sanc 400-600 kg
sančka 300-400 kg splažna zrałosć: w 3. hač 5. lěće porowanski čas: skónc měrca hač
spočatka junija nošnosć: 7-8 měsacow ličba potomcow: zwjetša 2 přestrjeń rozšěrjenja: w Arktisy zadźerženje: samotar, druhdy
so zeskupi při žratwje pica: zwjetša ćuleń,
mjaso kadawrow,
w lěće samo rostliny žiwjenski čas: njeznata přiwuzne družiny: kodiakowy mjedwjedź

Nóžki

1. ↑ ^{1,0 1,1} Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 261, pod hesłom mjedwjedź.
2. ↑ ^{2,0 2,1} W internetowym słowniku: Eisbär

Žórła

• Wolfgang Puschmann (wud.): BI-Lexikon Zootiere. VEB Biobliographisches Institut, Leipzig 1989. , stronje 85-86, z wědomostnym mjenom Thalarctos maritimus (němsce)
• Meyers Taschenlexikon Biologie, In 3 Bänden, 2. zwjazk, ISBN 3-411-12013-4, strona 183, z wědomostnym mjenom Ursus maritimus (němsce)

Eksterne wotkazy