Жьэдзы́уэ (лат-бз. Pelecanus onocrotalus) — жэдзыуэ лъэпкъым щыщ къуэалэбзущ.
Къуалэбзу пӀащэщ, ч. 10-11 къешэч, хъум и дамэ лъэныкъуэр см. 70-71 нос, анэхэр мащӀэу нэхъ цӀыкӀущ. Теплъэр зэфэзэщу хужьщ, плъыфэ мащӀэ къыщӀэуэу. Дамэ къабзий пхъашэхэр фӀыцӀэщ. Нэ хъуреягъыр Ӏэлъын сурэту къызэпекӀухь цыншэ гъуэжьыфэм. Цы ятеткъым натӀэми, нэ щӀыбми. Жьэ щӀагъым, къурмакъейищхьэр къыдэкӀуэу, щӀэтщ къэп (дзыо) гъуэжьыфэ. Анэмрэ хъумрэ я теплъэр зыщ.
Ӏусыр бдзэжьейщ.
Щогъуалъхьэ Хы ФӀыцӀэ, Хы Каспийм я псы хэлъэдапӀэхэм. КъинэмыщӀауэ, Азиэм, Ищхъэрэ-КъуэкӀыпӀэ Африкэм я щӀыпӀэ щхьэхухэм. ЩӀымахуэр щырах Урысейм и ипщэ гъунапкъэхэм, Азиэм, Африкэм.
