A nuria u nurión (Mustela lutreola (L. 1761)) ye un mamifero carnivoro d'a familia Mustelidae.
Ha costumbres més aquaticos que no altras especies d'o chenero Mustela, per ixo gosa tener l'apelativo scentifico de lutreola, que ye un deminutivo de «lutra», loira en latín. O nombre popular nuria dimana con probabilidat d'a mesma radiz etimolochica «lutra», que ixo ye d'o latín, y no como omne ye quiesto considerar, d'a radiz vasco-iberica que ye gosau dar toponimo a Nuria (interpretable como «o meyo d'a val»), que ye una val de Catalunya d'á on dimana l'antroponimo femenín homonimo. Se tracta pues de dos parolas con analochía morfolochica pero de radices diferents.
A mida ye variadera, con 700 gr en as fembras y bells 900 en os masclos. Uns y altros con una malla blanca en o morro, arredol d'a boca, que s'envista contra la color marrón escura d'o cuerpo, que recorda a una fuina.
D'antigos, sen trobaba poblacions dende Escandinavia dica la cuenca mediterrania, per tot Europa, pero a falta de cabido quan se las cazaba ta bastir a industria pelletera, y més en zagueras, a competencia ecoclochica con a suya parient Mustela vison (introdueita en o Viello Mundo ta substituir a la M. lutreola y tamién per os exemplars hopaus d'as granchas pelleteras) han gosau empuchar a especie enta la situación actual. En l'actualidat, no ye posible trobar-ne poblacions (puntuals y deseparadas) si que en Francia, Espanya, Rumanía, Suecia y Polonia. En Espanya, s'ha documentau en as sierras de lo País Vasco, en Navarra y en bells puestos de Castiella y Leyón; en Aragón ya no bi hai garra seguridat que encara en i quede.
Exemplar salvache
Ilustración historica
A nuria u nurión (Mustela lutreola (L. 1761)) ye un mamifero carnivoro d'a familia Mustelidae.
