Meller siene Aante, anners ok Madagaskaraante, is en Aantenvagel ut den Tribus vun de Swemmaanten. Dor warrt he nu wedder to de Aanten an sik mit torekent.
De Aante sütt liek ut, as dat Seken vun de Graue Aante (Anas platyrhynchos), man se is en beten grötter (in'n Döörsnitt 55 bit 65 cm). Dor is Meller siene Aante en vun de gröttsten Aarden vun de Aanten an sik mit. Upfallen deit de gröne Flunkenspegel, de düütlich to sehn is.
De Aante leevt in'n Osten vun Madagaskar. In't 18. Johrhunnert is se ok up Mauritius inföhrt wurrn, man dor is se hüdigendags in Gefohr, ut to starven. Dat liggt an annere Aantenaarden, de ehr bisiet schuven doot un an den Verlust vun Habitate, wo se in leven deit. Tohopen mit Madagaskar warrt de Bestand vun Meller siene Aante up 2.000 bit 5.000 Aanten taxeert. De Bestand löppt wieterhen achterut.
Meller siene Aante, anners ok Madagaskaraante, is en Aantenvagel ut den Tribus vun de Swemmaanten. Dor warrt he nu wedder to de Aanten an sik mit torekent.
