Os macropódidos (Macropodidae) son unha familia de mamíferos marsupiais da orde dos diprotodontes composta por un gran número de xéneros. Inclúe ós canguros, ualabís e especies afíns. O termo "canguro" úsase no senso amplo para todo o grupo, aínda que é máis frecuente o seu uso para as meirandes especies.
A maioría de especies son terrestres e desprázanse a chimpos cando corren. Hai unhas poucas especies que son principalmente de vida arborícola (xénero Dendrolagus) e que son torpes en terra. Os macropódidos son exclusivamente herbívoros.
