Шарена српоклуна шлука

Шарената српоклуна шлука (науч. Numenius phaeopus) е крајбрежна птица која е широко распространета низ целиот свет. Се размножува од субарктичка Северна Америка, Европа и Азија најјужно до Шкотска.

Таа е птица преселница што зимува на бреговите на Африка, Јужна Америка, јужна Азија до Австралија, како и во јужна Северна Америка. За време на миграциите таа е пак на крајбрежјата.^[2] Се среќава и во Македонија. Вон сезоната на размножување таа се собира во големи јата.

Опис

Ова е прилично голема блатна птица иако е со средна големина во својот род. Долга е 37-47 см, со распон на крилјата 75-90 см и тежина од 270 до 493 грама.^[3] Претежно е сивокафеава, со бел грб и бело под опашката (само подвидовите N. p. phaeopus и N. p. alboaxillaris), и има долг свиен клун (подолг кај женките), со завој при врвот повеќе отколку што е целиот свиен. Обично се внимателни птици. Повикот им е клокотлив свиреж, продолжен со вибрирање кога пее.

Подвидови

Има 4 подвида:

• Numenius phaeopus phaeopus - северна Европа и северозападна Азија;
• Numenius phaeopus variegatus - североисточна Азија;
• Numenius phaeopus alboaxillaris - централна Азија (ретки, загрозени);
• Numenius phaeopus hudsonicus (Hudsonian Curlew) - северна Северна Америка.

Однесување

Овој вид се храни сондирајќи со долгиот клун во меката кал во потрага по мали без'рбетници или, пак, собира мали ракчиња и сличен плен од површината. Пред миграцијата, бобинките се важен дел од нивната исхрана. Тие, исто така, јадат сини пеперуги.

Гнездото е мала дупка сместенa во мочуриштата на арктичките тундри. Несат 3-5 јајца. Возрасните одлучно ја бранат територијата за гнездење, па дури ќе нападнат човек ако премногу се приближи.

Кон крајот на 19 век, оваа птица била често ловена на нејзиниот миграциски пат, кога бројот ѝ опаднал, но оттогаш популацијата се обновува и опоравува.

И на оваа птица се однесува Договорот за заштита на африканско-евроазиските миграторни водни птици.

Галерија

• Egg of Whimbrel - Јајце

• Во лет, Исланд

• Во Исланд

• Амрикански подвид во Акапулко

• На Галапагос

• Во јужна Африка

• Во Австралија

• На поштенска марка од Фарски Острови

Наводи

1. ↑ BirdLife International (2012). „Numenius phaeopus“. Црвен список на загрозени видови на МСЗП. Верзија 2012.1. Меѓународен сојуз за заштита на природата. конс. 16 July 2012. (англиски)
2. ↑ "Birds" (Collins Pocket Guide 1998), p.156.
3. ↑ Whimbrel entry at Cornell Lab of Ornithology's "All About Birds"

• RSPB A to Z of UK Birds
• WOODALL, P.F. 1996. Whimbrel feeding on Blue Tiger butterflies. Sunbird 26: 46-48.