Myosotis, l'è 'n zèner de piànte che fà part de la famìa botànica de le Boraginaceae. El töl dét 'na trentìna de spéci acetàde. Adognimòdo, le piö tàte de chèste le g'ha fiùr pesègn de 'n ghèl de diàmetro, con sich pétali celèscc che crès ensìma ai gamp sö ramilì. Le spéci de chèsto zèner i è dopràde de spès come piànte ornamentàle. Le spéci de chèsto zèner i è cunusìde 'n bresà col nòm popolàr de "èrba selestìna"[1] o piö de spès col nòm de "non-ti-scordar".
Le pöl véser piànte anöàle o perèni con granì de somésa picinì picinì. Le piö tàte de le spéci de Myosotis i è endémiche de la Nöa Zelanda, ma gh'è a dele spéci europèe compagn de la M. sylvatica che la s'è difundìda en töte le regiù temperàde de l'Europa, de l'Asia e de l'Amèrica.
El zèner Myosotis l'è stat discriìt la prìma ólta del Linèo e püblicàda 'ndèl lìber Species Plantarum 1: 131. 1753. La spéce tìpica l'è: Myosotis scorpioides L.
Segónt el sit del giardì botànich del Missouri (Missouri Botanical Garden)[2], al zögn del 2014 le spéci acetàde per chèsto zèner i è 'na trentìna.
Myosotis, l'è 'n zèner de piànte che fà part de la famìa botànica de le Boraginaceae. El töl dét 'na trentìna de spéci acetàde. Adognimòdo, le piö tàte de chèste le g'ha fiùr pesègn de 'n ghèl de diàmetro, con sich pétali celèscc che crès ensìma ai gamp sö ramilì. Le spéci de chèsto zèner i è dopràde de spès come piànte ornamentàle. Le spéci de chèsto zèner i è cunusìde 'n bresà col nòm popolàr de "èrba selestìna" o piö de spès col nòm de "non-ti-scordar".
