L'aranyonero (Prunus spinosa) ye un arbusto de fuella caduca d'a familia Rosaceae.
Se troba en gran parti d'Europa (manca a partir d'o centro d'Escandinavia), Asia y norte d'Africa. Puet tener dica dos metros d'altaria y tien punchas en o tallo y as brancas.
Tien a suya florata a la fin d'hibierno con flors blancas que apareixen antis d'as primeras fuellas.
Os suyos fruitos, ditos aranyons, son esfericos, d'un centimetro de diametro alto u baixo. Se pueden minchan, encara que son muit astrinchents y tienen gran cantidat de tanins. O suyo gusto millora dimpués de l'acción d'una chelata. Se'n pueden fer mermeladas y son a base d'o pacharán.
