Virus

Un virus es un agente submicroscopic que infecta humanos, animales, plantas e bacterios, e que es incapabile de reproducer se extra le texitos del hospite.

Consistentia

Un virus completemente disveloppate consiste de acido nucleic (DNA/ADN o RNA/ARN), circumferite de un theca de proteina e lipide. Le acido nucleic del virus interfere in le mechanismos cellular del hospite pro synthetisar acido nucleic, e modifica le cellula pro producer acido nucleic viral.

Typos

Phytoviruses (viruses de planta) es propagate per insectos e per nematodos. Zooviruses (viruses de animal) es propagate per contacto directe, per transmission respiratori, per insectos e per le communication de fluidos corporal.

Morbos

Viruses causa multe morbos como mosaicismo in multe plantas cultivate, myxomatosis, aphtha epizootic, rheumas, influenza, morbillo e poliomyelitis.

Vide etiam

• Virulentia
• Virologia
• Enterovirus
• Epidemia