Kakapo

Какапа, або савіны папугай (Strigops habroptilus) — птушка зь сямейства папугаевых, адзіны від падсямейства Савіныя папугаі. Зьяўляецца эндэмікам Новай Зэляндыі, сустракаецца вельмі рэдка.

Апісаньне

Буйная птушка, каля 60 см вышыні. Самец буйнейшы за самку. Пер'е імшыста-зялёнае, на сьпіне з чорнымі, а ў іншых месцах з бурымі і жоўтымі палосамі. Добра разьвітае апярэньне на твары надае падабенства да савы, што і абумовіла назву.

Малюнак какапа з кнігі W. Buller «Birds of New Zealand»

З-за слаба разьвітых грудных мышцаў і кіля какапа не можа лётаць.

Экалёгія

Какапа сустракаецца ў вільготных месцах на раўнінах і ў гарах (да 1400 м вышэй за ўзровень мора).

Корміцца расьліннай ежай, пераважна ягадамі.

Гнёзды робіць у шчылінах скал, паміж каранёў дрэваў. Адкладвае 2 яйкі, звычайна ў студзені — лютым.

Літаратура

• Жизнь животных в 6-ти т. Т. 5. Птицы. / Под ред. Н.А. Гладкова, А.В. Михеева — 2-е изд., перераб. — М.: Просвещение, 1970.

Вонкавыя спасылкі

• Птушкі Новай Зеландыі: Какапа ^(анг.)

— сховішча мультымэдыйных матэрыялаў