أسماك الشمس

Centrarchidae (Anglice: sunfishes ; Theodisce: Sonnenbarsche) sunt familia piscium dulcis aquae quae ordine Perciformibus comprehenduntur. Genus typicum est Centrarchus, qui in una sola specie, C. macroptero, constitit. Huius familiae, omnes viginti-septem species solum Americae Septentrionalis indigenae sunt.

Species Centrarchidarum suis tribus spinis analibus distinguuntur. Spinae dorsales 5–12 numerantur, etsi plurimae species 10–12 habent. Pseudobranchia exigua et occulta est. Pars maior longitudinem 20–30 cm attingit.

Ubi pars maior ova gignit, masculus nidum construit; hic nidus, in substrato concavum, per vacillationem codae excavatur. Ovis in nido depositis, masculus nidum custodit.

Plurimae Centrarchidae a piscatoribus per ludum capiuntur: hi pisces, qui magnopere aestimantur, in multis partibus alienis introducti sunt, et in nonnullis locibus perniciosi reputantur.

Nonnulli pisces marini pisces solis vel percae solis saepe appellantur, sed hi pisces non sunt percae verae.

Phylogenesis

Recentia data genetica hanc phylogenesin indicant:

• familia Centrarchidae
  • subfamilia Centrarchinae
    • tribus Ambloplitini
      • Ambloplites
    • tribus Archoplitini
      • Archoplites
      • Pomoxis
    • tribus Centrarchini
      • Centrarchus
    • tribus Enneacanthini
      • Enneacanthus
  • subfamilia Lepominae
    • tribus Lepomini
      • Lepomis
  • incertae sedis
    • Micropterus
    • Acantharchus

Pinacotheca

• Ambloplites rupestris

• Micropterus dolomieu

• Pomoxis nigromaculatus

Nexus externus

Vicimedia Communia plura habent quae ad Centrarchidae spectant.