الأسماء في صفحات التنقل
La Afrika akcipitraglo (Aquila spilogastra, Aquila spilogaster aŭ Hieraaetus spilogaster, ĉar estas polemika taksonomio: vidu artikolon pri Hieraaetus) estas granda rabobirdo. Kiel ĉiuj agloj, ĝi apartenas al la familio de Akcipitredoj.
La Afrika akcipitraglo reproduktiĝas en tropika subsahara Afriko. Ĝi estas birdo de arbaraj montetoj, kaj konstruas neston el bastonetoj ĉirkaŭ 1 m de diametro sur la forko de granda arbo. La ino demetas ĝenerale 1 aŭ 2 ovojn.
La Afrika akcipitraglo ĉasas malgrandajn mamulojn, reptiliojn, kaj birdojn ĝis la grando de frankolino. La alvoko estas akra kluu-kluu-kluu.
La Afrika akcipitraglo estas malgranda al mezgranda aglo ĉirkaŭ 55–65 cm longa. La supraj partoj estas malhelbrunaj al nigrecaj. Ties subaj partoj estas blankecaj vertikale tre striecaj je nigro ĉefe en brusto kaj kolflankoj dum gorĝo kaj suba ventro estas pli blankaj. La subaj flugilplumoj estas blankaj kun nigra malantaŭa bordo. La subflugilaj kovriloj estas ĉefe nigraj kun blankaj punktoj. La hela vosto havas nigran finan bendon. La beko estas griza (malhele pinte), kaj irisoj kaj kruroj flavaj.
Ambaŭ seksoj estas similaj, sed junuloj estas brunaj supre kaj ruĝeca koloro anstataŭas la nigrecajn subajn partojn de plenkreskuloj.
La Afrika akcipitraglo (Aquila spilogastra, Aquila spilogaster aŭ Hieraaetus spilogaster, ĉar estas polemika taksonomio: vidu artikolon pri Hieraaetus) estas granda rabobirdo. Kiel ĉiuj agloj, ĝi apartenas al la familio de Akcipitredoj.
