Agrostis canina L.

Pochowa wjechelca (Agrostis canina) je rostlina ze swójby słódkich trawow (Poaceae).

Wopis

Pochowa wjechelca docpěwa wysokosć wot 20 hač do 60 cm. Wutwori nadzemske wotnožki.

Łopjena

Mjechke łopjena su módrozelene. Spódnje su seršćikojte a stołpikowe su płone. Wone docpěwaja šěrokosć wot 1 hač do 3 mm. Łopjenowe kóžki su kónčkojte a docpěwaja dołhosć wot 2 hač do 4 mm.

Kćenja

Kćěje wot junija hač do awgusta. Kćenja steja w pakićach, kotrež so po kćěwje hromadu sćahnu. Kłóski wobsahuja jedne kćenje a docpěwaja dołhosć wot 2 hač do 3 mm. Přikrywne pluwizny su 1nerwne a wótre. Krywne pluwizny su 4-5-nerwne, tupe a pod srjedźišćom kochtate. Předpluwizny su jara małke abo faluja.

Stejnišćo

Rosće w žórłowych a płonych tymjenjach, w bahnach a na brjohach.

Rozšěrjenje

Rostlina je w Europje rozšěrjena.

Wužiwanje

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 543.
2. ↑ W internetowym słowniku: Straußgras

Žórła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 378 (němsce)
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)

Eksterne wotkazy

Hlej wotpowědne dataje we Wikimedia Commons:
Pochowa wjechelca