Os cervidae u cervidos son una familia de mamifers de l'orden artiodactyla.
Os masclos (y en o chenero Rangifer tamién as fembras), presentan astas que creixen en munyons osio cubiertos de piel en a frent y que se dicen "pedicelos". Mientres l'asta creixe ye cubierta d'una piel que pareixe terciopelo muito irrigata. Quan remata o creiximiento, a piel se talla y muerte por constrenyir-se os vasos sanguinios en a zona d'unión pedicelo-asta. En rematar o periodo funcional de l'asta o ueso d'unión de l'asta con o pedicelo ye reabsorbito y l'asta remata cayendo. A l'anyada vinient torna a creixer-ne atra.
Os canins son redueitos.
As fembras son menors que os masclos, a més o cuello se carga menos de grasa en a epoca de zelo, y tamién tiene un pelache més redueito. Presentan dos pars de mamas.
As extremidatz pueden estar plesimetacarpianas (cabo superior d'os metacarpians conservato), y telemetacarpians (cabo inferior d'os metacarpians conservato).
Se distribuyen por Eurasia y America; en Africa son present en o norueste, en a resta d'o continent son sustituitos por os Bovidos. En Sudamerica bi ha gran variedat d'especies.
