El figaro xe na pianta deła fameja dełe Moraceae, col nome sientifego de Ficus carica. in inglexe se dixe fig, in todesco Feigenbaum, in taljan fico. El pol rivare a 8 metri e el crese mejo in tereni suti. Łe foje, grande, łe ga 5 lobi e łe xe verde scuro de sora e verde ciaro de soto. I fruti (fighi) i xe dolsi e se pol anca secarli e magnare cusì (fighi seki), ma no i xe fruti par davero: i xe infioresense con in sima un buseto dove ke entra ł'inseto (Blastophaga psenes) ke'l porta el połine par i fioreti ke ghe xe drento e cusì se maùra i fighi.
I fighi i crese suł'albaro ciamà Ficus carica sotospecie sativa, el połine i inseti iva torlo sul Ficus carica sotospecie caprificus.