Bearded Bellflower

Brodate zwónčki (Campanula barbata) su rostlina ze swójby zwónčkatych (Campanulaceae).

Wopis

Brodate zwónčki docpěwaja wysokosć wot 10 hač do 40 cm a njesu proste kosmy.

Łopjena

Spódnje łopjena su rozetojte, dołhojće-lancetojte.

Kćenja

Kćěje wot junija hač do awgusta. Kćenja su krótko stołpikate a nygace. Wone steja po dwěmaj hač po dwacećoch w kićach. Keluch je šešerjaće kosmaty. Swětłomódra, rědko běła króna je brjuchata-zwónčkata a docpěwa dołhosć wot 15 hač do 30 mm. Kónčki su zwonka brodate.

Stejnišćo

Rosće na kisałych suchich trawnikach a na holach z małoróstnych kerčkow.

Rozšěrjenje

Rostlina je w Alpach, w Sudetach, w zapadnych Karpatach a južnej Norwegskej hač do wysokosćow wot něhdźe 1200-2800 m rozšěrjena.

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 667.
2. ↑ W internetowym słowniku: Glockenblume

Žórło

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 298 (němsce)

Eksterne wotkazy

Hlej wotpowědne dataje we Wikimedia Commons:
Brodate zwónčki